Baloon

Written by

NASA u orbitu šalje balon veličine stadiona

m:mix, m:ovo m:ono| Views: 81

NASA će istraživati svemir sa stratosferskim balonom, koji će na sebi nositi teleskop od 2.5 metara, pod imenom ASTHROS.

Balon bi trebalo da poleti 2023. godine sa Antarktika, a na sebi će nositi ASTHROS. To je teleskop koji će, na balonu, provesti tri nedjelje “lutajući” iznad južnog pola na visini od preko 40 kilometara od površine Zemlje. Na visini četiri puta većoj od visine leta komercijalnih aviona, posmatraće talasne dužine svjetlosti, koje inače blokira Zemljina atmosfera. 

Iako baloni zvuče kao zastarjela tehnologija, NASA ih smatra vrlo korisnim. U godini lansiraju 10 do 15 letećih balona u različitim djelovima svijeta, te ih koriste za različita istraživanja. Mnogo su jeftiniji nego svemirske misije inače, a i lakše i brže je sprovesti misiju u djelo. 

ASTHROS će nositi instrument koji mjeri kretanje i brzinu gasa oko tek formiranih zvijezda. Misija će istraživati četiri polja, od kojih su dva karakteristična za formiranje novih zvijezda u Mliječnom putu. Teleskop će prvi put kreirati 3D mape gustine, brzine i kretanja gasova u regijama gdje “niču” nove zvijezde. 

A da bi sve ovo bilo izvodivo, potreban je ogroman balon. Kada se napuni helijumom, biće 150 metara širok.